En il Surses ed en la Val d’Alvra èn ils purs vegnids avertids da la preschientscha dal luf. Sco quai che Sep Antona Bergamin, il guardiaselvaschina dal Surses ha ditg, haja el survegnì differentas annunzias davart il luf.
Ils ultims dis saja in luf vegnì en traplas fotograficas en il conturn da la Crappa Naira a Surava ed a Stugl sur Bravuogn. La fin d’avrigl saja in luf vegnì fotografà en il guaud da Salouf.
Annunzias da glieud che haja vesì il luf questa primavaira haja quai era dà da Cunter, da Mulegns e da Mon. A Casti haja in luf stgarpà ina vatga tscherva ed in chavriel, uschia Sep Antona Bergamin.
