Siglir tar il cuntegn

Header

audio
Cun «Surses 2030» ha la vischnanca uss avant maun in maletg directiv
Or da Actualitad dals 21.08.2021.
laschar ir. Durada: 03:34 minutas.
cuntegn

Maletg directiv Surses 2030

Suenter ina moziun inoltrada il december 2019 ha la vischnanca elavurà in maletg directiv. Cun la participaziun da la populaziun, via in questiunari online – è uss avant maun ina broschura che mussa en tge direcziun ch'il Surses duess ir ils proxims onns.

Amez il temp da corona ha la vischnanca sviluppà sut la direcziun da Linda Netzer il maletg directiv 2030. La manadra da svilup dal lieu è stada surpraisa dal grond interess dad indigens e possessurs da chasas u abitaziuns da vacanzas, d'elavurar in tal maletg directiv.

Legenda: Linda Netzer, manadra svilup dal lieu. RTR, Tona Poltera

La communicaziun sco fil cotschen

Per Linda Netzer è il maletg directiv la basa per il futur da Surses. En otg puncts vuless la vischnanca lavurar, e concretisar las ideas. Quels puncts èn l'administraziun e politica, turissem e temp liber, infrastructura publica e segirtad, abitar e furmar, economia e svilup, natira ed ambient, furmaziun e cultura ed anc fatgs socials e sanadad.

Ussa saja dumandada ina buna communicaziun averta e transparenta per ch'il maletg directiv na resti betg in tigher da palpiri. Uschia possia la populaziun da Surses vegnir integrada en in proxim pass en il svilup a favur da la val.

RTR actualitad 08:00

Artitgels legids il pli savens

Scrollar a sanestra Scrollar a dretga