Siglir tar il cuntegn

Grischun Central Manca il Globus?

Mez schaner ha il Globus a Cuira serrà sias portas per adina. Stgars sis mais è quai ussa. Ma manca la stizun dasper la staziun insumma u han ins gia emblidà ella?

bajetg dal Globus sper la staziun a Cuira
Legenda: Dapi tschintg mais na dati nagin Globus pli a Cuira. Il bajetg è anc adina vits. RTR/G. Gabriel

Ils ins spassegiavan atras be per guardar in zic, auters cumpravan mintgatant ina u l' autra chaussa ed anc ina giada auters eran clients regulars dal Globus.

Als blers manca la stizun dentant anc adina – er suenter sis mais. «Quai era nossa stizun», respunda per exempel ina passanta sin via. Na, betg per far las cumpras per mintga di, oravant tut per chaussas spezialas sco delicatessas, giaccas spezialas u perfin peschs.

Pli fetg ch'il Globus muventa ils blers dentant ch'il bajetg è restà vid suenter ch'il Globus ha serrà sias portas. «Igl è veramain ina vargugna per la glieud ch'arriva a Cuira e vesa sco emprim in grond bajetg ch'è vid», uschia in' autra passanta.

RR actualitad 17:00