Grischun Central - Masagn dovra dapli plaz en scola
Actualmain vegnan engrondidas la scola primara e la scolina da Masagn, la vischnanca vischinanta da Tusaun. Perquai ch’igl ha adina dapli scolars, dovri dapli plaz. Il nov tract da scola vegn avert l’avust, ils custs da l'engrondiment muntan a 1,9 milliuns francs.
Masagn dumbra actualmain var 500 abitants. Bun 150 dapli che tar la davosa dumbraziun dal pievel l’onn 2000. Bleras famiglias giuvnas èn vegnidas a viver a Masagn il davos temp.
Masagn è bain collià cun ils centers, ins è svelt a Cuira, ma era qua a Tusaun nua che la glieud lavura. Er blers giuvens ch’èn creschids si a Masagn turnan en lur patria per fundar qua lur famiglia.
audio
Saira: Masagn engrondescha la chasa da scola
02:30 min, ord Actualitad dals 29.05.2018.
laschar ir. Durada: 2 minutas 30 Secundas.
La raschun per quest ferm augment dal dumber d’abitants vesa la presidenta communala Beatrix Vital en las bunas colliaziuns cun ils centers Cuira e Tusaun. Aveva Masagn pli baud enturn sis uffants per onn ch’entschavevan la scola, èn quai uss en media mintg’onn circa diesch uffants, ha ditg la presidenta dal cussegl da scola Flurina Feltscher.