Siglir tar il cuntegn

Grischun Central Masein quinta cun 20'000 gudogn il 2017

La radunanza communala ha er concedì in credit da 1,9 miliuns francs per renovar e bajegiar enturn la chasa da scola. Plinavant han els elegì l'administraziun communala.

Purtret da la vischnanca da Masein.
Legenda: la vischnanca da Masein. RTR, Seraina Derungs

L'onn 2015 aveva Masein gì expensas da rodund 1,869 milliuns ed in retgav da rodund 2,007 milliuns.

La presidenta communala da Masein, Beatrix Vital, è vegnida reelegida per in'ulteriura perioda d'uffizi. Era Aurelia Spadin, Flurina Feltscher e Rico De Steffani èn reeligids en la suprastanza. Da nov en la suprastanza communala è Mario Gartmann.

Tar il cussegl da scola na datti naginas midadas. Edith Watschinger, Werner Schiesser, Dumeng Schreich ed Urs Pinggera èn reeligids. Medemamain naginas midadas na datti tar la cumissiun da gestiun. Là restan Otto Denoth, Teto Keller ed Erica Nicca en uffizi.

En la cumissiun da construcziun èn Leo Heini ed Andreas Zannier vegnids elegids.

RR novitads 06:00