Puschina d'in bain puril è culada en l'Ual da Suden la gievgia. Pervia da la contaminaziun èn tuts peschs da l'aual morts, ha il survegliader da pestga Curdin Meiler ditg envers SRF. Peschs dal Rain Posteriur na sajan dentant betg pertutgads.
Sin il bain puril èn ins stà vi da svidar enturn puschina. Bun in quart d'ura è la puschina dentant culada en l'aual. Per schubergiar l'aual ha la vischnanca manà aua da baiver en l'aual. Ils peschs n'ha ins dentant betg pudì salvar. Per sminuir donns en il Rain han las ovras amunt dal Rain posteriur manà dapli aua tras lur turbinas.
La Polizia chantunala examinescha las circumstanzas da la contaminaziun da l'Aual.