Dad oz enfin sonda vegn festivà a Savognin – e quai sco ch’i tutga per ina mazlaria: cun massa charn. I na dat dentant betg mo charn, cüplis e vin, mabain er ina nova fatscha. U plitost la nova fatscha: David Steier - il successur dal possessur Pietro Peduzzi ha cumenzà a lavurar en la fatschenta quest’emna.
La fin d’avrigl va Pietro Peduzzi en pensiun e l’emprim da matg surprenda il biadi da sia sora, David Steier, la mazlaria da tradiziun. Per l’um da 27 onns vali d'emprender anc ina massa ils proxims dus mais – e per il maister mazler Pietro Peduzzi da dar vinavant tut sia savida.