Grischun Central - Mazlaria Peduzzi na sto betg serrar
La fin d’avrigl va il mazler Pietro Peduzzi (74) da Savognin en pensiun. Ussa èsi cler: David Steier, in sutnev da Peduzzi, maina enavant l’affar sco nov possessur. Quai scriva la Pagina da Surmeir en sia nov’ediziun.
La Mazlaria Peduzzi ha ses affar a Savognin e festivescha l’emprim da mars il giubileum da 80 onns.
La fin d'avrigl va Pietro Peduzzi en pensiun. Ses affar vegn dentant manà enavant. David Steiner succeda sco nov possessur.
David Steier (28) è creschì si a Savognin. Suenter la scola obligatorica ha el fatg in emprendissadi sco cuschinier en il hotel Schweizerhof a Lai. Suenter l'emprendissadi sco cuschinier è el restà a Lai ed ha fatg l’emprendissadi sco mazler en la Mazlaria Spiess che ses barba Tona Steier maina. Quai è er ses actual lieu da lavur.
El vegn el a turnar en patria per manar enavant l'affar da ses barba Pietro Peduzzi.
