Siglir tar il cuntegn

Header

audio
Giavisch da fusiunar cun las novitats
Or da Actualitad dals 09.12.2021.
abspielen. Laufzeit 4 minutas 8 Sekunden.
cuntegn

Medias rumantschas La Pagina da Surmeir pudess svanir

La maioritad da las abunentas e dals abunents che han fatg part ad ina retschertga da la gasetta emnila «La Pagina da Surmeir» giavischassan en l’avegnir ina gasetta bilingua. Quai è il resultat d’ina enquista che l’editura ha laschà far.

Las radund 1'200 abunentas ed abunents da la gasetta emnila La Pagina da Surmeir èn vegnidas dumandadas, co ch’ils artitgels dal Surmeir duessan cumparair en l’avegnir. Ussa è il resultat da l’enquista vegnì dumbrà: 213 persunas han scrit ch’i vulessan restar tar La Pagina da Surmeir. 385 persunas giavischassan ina gasetta bilingua rumantsch- tudestga. 18 persunas han respundì ch’i saja tuttina en tge gasetta ch’ils texts rumantschs cumparian en l’avegnir.

Anc n'è nagut concret

Sco quai che Gian Sonder, il president da l’Uniun Rumantscha da Surmeir URS ch’edescha la Pagina da Surmeir ha ditg, vegnia la suprastanza da la URS a sclerir, co ch’ina collavuraziun cun la Somedia pudess vesair ora en il futur. L’idea saja da publitgar en l’avegnir ils texts rumantschs en la gasetta emnila tudestga Novitats. Quai è ina gasetta emnila che cumpara per la regiun da l’intschess dal Surmeir.

Examinaziuns cun la Somedia, ch’edescha las Novitats, hajan mussà ch’ils custs d’abunament na sa midassan betg, ha ditg Sonder. Avant l’onn 2023 na quinta el dentant betg cun midadas tar La Pagina da Surmeir.

FMR n'è betg stada involvida en la retschertga

David Truttmann, il schefredactur da la Fundaziun Medias Rumantschas FMR, ha ditg ch’el piglia enconuschientscha dal resultat da la retschertga, nua che la FMR na saja betg stada involvida. El saja ussa plain mirveglias, co che l’editura sviluppia vinavant ina gasetta bilingua e co che quella duess vegnir finanziada. Actualmain è la FMR responsabla per la redacziun da la Pagina da Surmeir ed era per il layout.

Ord l'archiv

RTR novitads 06:00

Artitgels legids il pli savens

Scrollar a sanestra Scrollar a dretga