Siglir tar il cuntegn
Inhalt

Grischun Central Meglieraziun n'è nagin tema per Tinizong-Rona

L’onn 1994 è ina meglieraziun generala en vischnanca da Tinizong-Rona vegnida refusada cleramain. Ina moziun da l’onn 2010 che vuleva reactivar la meglieraziun ha medemamain fatg naufragi. Per la vischnanca fusiunada Surses n'è ina nov’emprova per ina meglieraziun nagin tema il mument.

A Tinizong datti il mument fitg bleras parcellas pitschnas.
Legenda: A Tinizong datti il mument fitg bleras parcellas pitschnas. RTR, F. Belotti

Sco quai ch’il president communal da Surses Leo Thomann ha ditg, stuessan ils purs vegnir cun l’iniziativa, sch’els vulan ina meglieraziun. Ils nov purs da Tinizong e Rona n’han il mument però signalisà nagin interess per ina meglieraziun.

Sco quai ch’il pur da Tinizong Gion Francestg Schaniel ha ditg, beneventass el ina meglieraziun, ma las schanzas per in gea dal suveran sajan pitschnas cunquai che blers privats che na fan betg il pur, sajan en possess da la gronda part dal funs. E blers da quels n’hajan pervi dals custs nagin interess da pajar per ina meglieraziun. Plinavant gioghian era emoziuns e regurdientschas ina rolla: Uschia veglian blers tegnair lur terren, e betg survegnir in terren en in auter lieu.

RR actualitad 17:00