Grischun Central - Mintga di en viadi cul crocodil
Tranter ils 10 da matg ed ils 28 d’october da quest onn curseschan mintga di ed en mintga direcziun duas giadas trens istorics tranter Tavau e Filisur. La cumposiziun consista d’ina locomotiva dal tip crocodil, e chars istorics da l’emprima e terza classa, in vagun da rauba ed in char avert.
Legenda:
Il tren istoric sin il viaduct da Tain/Wiesen, ch'è la pli auta punt da la Viafier retica.
RTR, Federico Belotti
2 / 12
Legenda:
Il persunal dal tren ensemen cun il directur da la Viafier retica Renato Fasciati e represchentants da la politica da Tavau e da Bravuogn Filisur.
RTR, Federico Belotti
3 / 12
Legenda:
Il locomotivist Reto Mathiuet ensemen cun l'accumpagnader dal tren Andi Jenni.
RTR, Federico Belotti
4 / 12
Legenda:
Cun 35 minutas cuzza il viadi a Tavau 10 minutas pli ditg che cun in tren modern.
RTR, Federico Belotti
5 / 12
Legenda:
Il directur da la Viafier retica Renato Fasciati ha grond plaschair vi dal tren istoric che cursescha mintga di.
RTR, Federico Belotti
6 / 12
Legenda:
Il viaduct dal Landwasser ina giada ord in'autra perspectiva.
RTR, Federico Belotti
7 / 12
Legenda:
Tut ils vaguns èn restaurads, qua da vesair il tren da rauba istoric.
RTR, Federico Belotti
8 / 12
Legenda:
La Landwasser sut il viaduct da Tain/Wiesen.
RTR, Federico Belotti
9 / 12
Legenda:
Sin viadi vers Tavau.
RTR, Federico Belotti
10 / 12
Legenda:
A Tagn/Wiesen ha quest'ustaria avert durant l'entira stad.
RTR, Federico Belotti
11 / 12
Legenda:
Il Filisurerstübli è adina en il tren, el n'è dentant betg adina occupà cun persunal.
RTR, Federico Belotti
12 / 12
Legenda:
Qua è da vesair la cumposiziun istorica en l'Engiadina
Viafier retica
Il viadi cuzza mintgamai radund 40 minutas, e va tras la chavorgia da Zügen, sur il viaduct da Tain/Wiesen. Per far in viadi en ils vaguns istorics ch’èn per part dapli che 100 onns vegls, basta in bigliet normal, i na dat nagin supplement.
audio
Saira: Viadi tren istoric Tavau – Filisur – Tavau
03:25 min, ord Actualitad dals 11.05.2018.
laschar ir. Durada: 3 minutas 25 Secundas.
Cun excepziun dals 8 – 11 da zercladur curseschan ils trens durant l’entira stad. Là vegnan las cumposiziuns dal tren duvradas per las festivitads da 10 onns patrimoni mundial Unesco en l’Engiadina.
