Siglir tar il cuntegn

Header

Clemens Poltera ch'ha elavurà la fusiun declera la nova finanziaziun da las plaivs, sche quellas restan independentas.
Legenda: Clemens Poltera ch'ha elavurà la fusiun declera la nova finanziaziun da las plaivs, sche quellas restan independentas. RTR, F. Belotti
cuntegn

Grischun Central Mo pli ina plaiv per l’entir Surses?

Ils 5 d’avrigl 2016 decidan las 10 vischnancas da plaiv dal Surses davart ina fusiun. Il messadi è preparà. Cun excepziun d’ina plaiv proponan tut las suprastanzas in gea a la fusiun.

Sche tut las plaivs dal Surses fusiuneschan, datti da la Baselgia catolica dal chantun Grischun ina contribuziun unica da 500‘000 francs, sco era contribuziuns annualas da 65‘000 francs. Pervi da la nova repartiziun da daners da la Baselgia catolica daventia quai per plaivs pitschnas grev en l’avegnir, ha ditg Clemens Poltera, il president da la gruppa da project a l’infurmaziun publica a Savognin il mardi saira.

Suprastanza da la plaiv da Savognin propona da refusar la fusiun

«I dat raschuns localas che nus avain ed i dat raschuns da tradiziun. Nus n'essan betg ina fundaziun. E nus avain il pe da taglia bler pli aut ch’ils auters», di Sepp Waldegg, il president da la plaiv. Cun sbassar il pe da taglia giessan a perder blers daners. Cun la nova contribuziun da 23‘000 francs ad onn che Savognin survegniss dal Corpus Catholicum, n’haja la decisiun però da far nagut. Enfin oz n’haja quai era dà nagut, ha ditg Sepp Waldegg.