Siglir tar il cuntegn

Header

Stefan Stocker.
Legenda: Stefan Stocker. M. Beyel
cuntegn

Grischun Central Monsignore Stefan Stocker è mort

Monsignore Stefan Stocker è mort en la vegliadetgna da 56 onns. Quai communitgescha sia famiglia. Tenor Caroline Dosch da la plaiv baselgia da Tinizong-Rona saja stà il giavisch da Stefan Stocker da vegnir sutterà a Tinizong. Là celebrava el durant sias vacanzas regularmain messas.

Ils geniturs da Stefan Stocker avevan a Tinizong in’abitaziun da vacanzas ch’el haja surpiglià. El fascheva regularmain vacanzas en il Surses. Suenter la scola media ha el studegìa e promovì en dretg da la baselgia ed ha fatg la scola da diplomant.

Suandà è in studi da teologia ed il 1988 è el vegnì consecrà sco spiritual en il dom da Son Peder a Roma entras Papa Gion Pol II. Stefan Stocker è daventà diplomat da la baselgia. Sco tal è el stà a Stockholm, Denmarc e Camerun. Il 2003 ha el midà a Berlin. Enfin oz era Monsignore Stocker, sco el vegniva numnà, a Roma en la diplomazia dal Vatican ed aveva il titel dad uvestg, era da leger en l’archiv da la Pagina da Surmeir.

Artitgels legids il pli savens

Scrollar a sanestra Scrollar a dretga