Cun vers, poesias e fotografias publitgeschan persunas patratgs e sgnoccas davart il Piz Muchetta en Val Alvra. Gia avant passa in onn avevan persunas dal Grischun Central cumenzà a far posts davart «lur» Piz Muchetta. Tranter ellas era il cusseglier dals chantuns Stefan Engler ch'è oriund da Surava. Ad el plascha quai ch'era persunas dad autras regiuns e chantuns sa participeschan sin Twitter vid la discussiun davart il Muchetta.
Era ina persuna fitg activa è il manader da l'Uffizi da vischnancas dal chantun Grischun Thomas Kollegger. Er el abitescha en la Val Alvra e vesa uschia mintga di il Piz Muchetta. Gugent vegn lura empruvà d'interpretar l'aura.