Siglir tar il cuntegn
Inhalt

Grischun Central Mular cuntels a Savognin è dumandà

Il glindesdi èsi stà pussaivel da laschar mular cuntels a Savognin. In servetsch fitg dumandà. Fin la saira ha Hans Wyss, il molacuntels da Rapperswil, gì radund 20 clients.

Legende: Video Il mastergn dal molacuntels - ses servetsch è anc adina tschertgà abspielen. Laufzeit 01:51 Minuten.
Or da sil punct dals 24.07.2017.

Durant l’entir onn è Hans Wyss sin viadi cun ses char annex, nua ch’el ha endrizzà in lavuratori. Là po el mular tut ils differents cuntels, davent da cuntels da cuschina enfin tar cuntels da segapastgets. Durant la stad è il molacuntels mintgamai tschintg emnas sin viadi tras il Grischun, il rest dal temp lavura el en il chantun Turitg.

A Savognin saja el stà la davosa giada avant 10 onns. Mular cuntels saja ina lavur che fetschia plaschair, ed ins saja adina sin viadi ed emprendia ad enconuscher blera glieud. Gia ses tat e ses bab hajan fatg questa professiun. Igl è in servetsch che vegn apprezià. Sco quai che differentas persunas han ditg, saja in grond basegn da pudair dar ils cuntels da glimar.

Actualitad 17.00