Siglir tar il cuntegn

Header

cuntegn

Mulegns 19 autos cun fin 165 km/h da Mulegns a Savognin

Tar ina controlla da sveltezza a Mulegns en direcziun da Savognin ha la Polizia chantunala piglià ina gruppa da 19 autos che charravan memia spert. Enstagl dals 80 km/h lubids, èn ils autos charads cun 98 km/h fin a 165 km/h. 15 autos da la gruppa da total 19 ha la polizia pudì franar en il Surses – ils ulteriurs quatter vegnan ussa investigads, communitgescha la Polizia chantunala.

12 dals manischunzs da la gruppa che charrava cun il medem tip dad auto han stuì dar giu il bigliet al lieu. Els vegnan da l'Ollanda, Belgia, Monaco, Spagna, Germania e Frantscha. In manischunz ha pudì pajar la multa gist al lieu – tut tschels vegnan denunziads tar la procura publica grischuna.

Quatter dals 19 manischunz valan sco rowdies, perquai ch'i charravan cun dapli che 60 km/h pli spert che lubì sin la via dad 80 km/h.

RTR novitads 18:00

Artitgels legids il pli savens

Scrollar a sanestra Scrollar a dretga