Siglir tar il cuntegn

Header

cuntegn

Muntogna da Schons Bun’entschatta, ma anc blera lavur per vischnanca da fusiun

L'emprim onn saja stà intensiv, resumescha il president da la vischnanca fusiunada Muntogna da Schons Marco Dolf. Ussa spetgan las lavurs quotidianas, ed ina da quellas è il model directiv dal territori communal.

La giuvna vischnanca fusiunada Muntogna da Schons ha passentà in onn cun blera lavur – ma tut haja funcziunà bain cun l'engaschament da ses collegas da suprastanza. Uschia ha Marco Dolf resumà sia bilantscha da l'emprim onn da la nova vischnanca.

audio
Muntogna da Schons: 1 onn dapi la fusiun
ord Actualitad dals 03.03.2022.
laschar ir. Durada: 4 minutas 3 Secundas.

Uss spetga tranter auter il model directiv dal territori communal. La populaziun da las fracziuns da Donat, Casti-Vargistagn, Lon, Maton e Pazen/Farden ha inoltrà ils giavischs e las remartgas areguard il sboz. Ussa è la suprastanza vi da terminar quest model, ch'è la basa per in svilup da la vischnanca.

Marco Dolf
Legenda: Marco Dolf, president Muntogna da Schons RTR, Toni Poltera

La lavur cumenza uss

Cun il model directiv dal territori communal va Marco Dolf da princip d'accord. Sulettamain la prognosa negativa dal dumber d'abitants e d'abitantas disturba il president communal. La fin finala decida il dumber da la populaziun, quantas zonas e quantas parcellas da construcziun che la vischnanca ha a disposiziun.

audio
Las sfidas da la planisaziun da territori
ord Actualitad dals 03.03.2022.
laschar ir. Durada: 2 minutas 55 Secundas.

In model directiv è individual

Il planisader dal territori Dominik Rüegg ha accumpagnà diversas vischnancas en il process ad in model directiv dal territori communal. In model directiv saja adina ina schanza per ina vischnanca da scuvrir il potenzial – il medem mument saja il model dentant er la basa per ina vischnanca da definir schanzas, spezialmain per vischnancas fusiunadas.

audio
Biro da cussegliaziun davart planisaziun da territori
ord Actualitad dals 03.03.2022.
laschar ir. Durada: 3 minutas 6 Secundas.

In tema procuria adina per gronda discussiun, las zonas da construcziun. In model directiv na saja dentant betg ina planisaziun locala en detagl, uschia Rüegg.

Dominik Rüegg, planisader dal terrotori
Legenda: Dominik Rüegg, planisader dal terrotori MAD

RTR actualitad 07:00

Artitgels legids il pli savens