Muntogna da Schons - Dapli vatgas sin l’alp pervia d’in sandwich

Responsabel per questa collavuraziun tranter la furnaria ed ils purs da la Muntogna da Schons è il Parc Natiral Beverin. Lez surdat il label da product «Parcs Svizzers». Il label datti per spezialitads da parcs, che vegnan producids ed elavurads en la regiun. Il chaschiel vegn regularmain transportà a Cuira cun in bus da furniziun electric.

L’idea da quest project è da pudair trametter a lunga vista chaschiel d’alp a Cuira. Sco quai ch’ils responsabels dal project han ditg, sajan grazia a quest project puspè dapli vatgas stadas la stad sin l’Alp Curtginatsch, cunquai ch’ins sappia producir dapli chaschiel. La stad passada sajan 105 vatgas stadas ad l’alp, in onn avant erì anc diesch pli pauc. Madiradas vegnan las magnuccas da nov en in tschaler a Donat, sco era vinavant a Vargistagn.