La pli giuvna vischnanca en il chantun Grischun, Muntogna da Schons, elegia sia emprima suprastanza communala. Avant las elecziuns decidan ils votants e las votantas davart la nova constituziun e davart la lescha da taglia. Questas fatschentas duain, tenor il president da la suprastanza transitorica, Andreas Heggendorn, betg esser dispitaivlas.
Sco i guarda ora duessan las elecziuns, nua ch'i vegn elegì la suprastanza e la cumissiun da gestiun, betg trair grondas undas. Tenor il messadi datti per post mintgamai be in candidat. Sco emprim president da vischnanca vegn Marco Dolf, il president actual da Casti-Vargistagn proponì.