Gievgia passada ha in luf attatgà en la Muntogna da Schons in asen. Quai annunzia l'Uffizi chantunal da chatscha e pestga sin sia pagina d'internet. Il luf ha blessà l'asen creschì fermamain vid la chomma. L'animal è en tractament veterinar. L'asen era sin ina pastgira cun saiv ensemen cun in chaval en il territori dal triep da lufs dal Beverin.
Gia il settember passà han plirs lufs stgarpà in asen en la medema cuntrada, sin l'Alp Durnan.
1 / 3
Legenda:
ATTENZIUN
Il proxim maletg po irritar. I sa tracta d'ina morsa d'in luf en la chomma d'in asen.
MAD, Marco Tannò
2 / 3
Legenda:
Quest asen ha in luf empruvà da stgarpar.
MAD, Marco Tannò
3 / 3
Legenda:
Er al culiez ha il luf empruvà da tschappar l'asen.
MAD, Marco Tannò
