Las vischnancas da Donat, Casti-Vargistagn, Mathon e Lohn duessan daventar l'onn 2021 ina suletta vischnanca. La cumissiun preparatorica per la fusiun da Muntogna da Schons ha infurmà la populaziun.
Ils detagls
La nova vischnanca duai survegnir in num rumantsch, numnadamain «Muntogna da Schons». Ils linguatgs uffizials èn rumantsch e tudestg, quel da scola rumantsch. Il pe da taglia ch'è il mument tranter 120 e 130% da la taglia chantunala simpla duai vegnir sbassada sin 100%. La chanzlia communala vegn installada a Farden. La vischnanca fusiunada survegn era ina nova vopna. La populaziun po eleger da trais propostas.
Naginas emoziuns
La discussiun a la fin da l'infurmaziun è stada curta e senza emoziuns. Dumondas hai dà pertutgant il num da la vischnanca e sche la corporaziun dals purs, che reglescha las pastgiras e las alps, duai vegnir abolida u betg. Sche tut va tenor plan duai la fusiun ir en vigur l'entschatta 2021.
RR novitads 06:00
