Il sviament provisoric che passa sur la bova ora duai restar per almain tschintg onns, di Christian Hartmann, il manader dal project da l’Uffizi da construcziun bassa. Ils custs per quest provisori muntan a circa 700'000 francs. A lunga vista dovria quai dentant ina meglra schliaziun, per exempel in’autra ruta da la via, in tunnel u ina punt che traversa il lieu da la bova.
Pli lungs viadis e pli pauca forza electrica
Tenor Marco Dolf, il president communal da la Muntogna da Schons, ha la serrada da la via diversas consequenzas. Uschia stoppian ils purs far in lung viadi per ir a far fain rasdiv – i dettia numnadamain divers purs da Vargistagn che hajan funs er a Maton. Quels ston prender la via da meglieraziun sur Casti e Donat. Il medem viadi ston far las persunas che vulan far cumissiuns en butia a Maton.
Las consequenzas da la bova s’accorschan er las Ovras electricas dal Rain Posteriur. Ellas n'hajan pliras emnas betg pudì producir electricitad cun la tschiffada d’aua dal Valtschiel. La bova saja ida giu fin en quest flum, uschia che la tschiffada d’aua na funcziunava betg pli sco giavischà.
Hotel ha pli paucs giasts
En il Hotel Capricorns mancan surtut ils giasts dal di. La fin d'emna hajan els enfin trais quarts pli paucs giasts, di la camariera e recepziunista Ruth Beer. L'affar cun giasts che stattan en il hotel marschian bain, malgrà ch’ils giasts stoppian vegnir sur la via stretga sur Casti a Vargistagn.
Pervi da la via serrada sto era l'Auto da Posta Svizzer adattar ses urari: Fin a Vargistagn curseschan per exempel mo bus pitschens empè d’in auto da posta, uschia che gruppas na pon il mument betg vegnir transportadas. A partir dal mument ch'il sviament è a fin, va era l'auto da posta puspè tenor urari e sin la ruta usitada.
-
Bild 1 von 14. Marco Dolf, il president communal da la Muntogna da Schons. Bildquelle: Federico Belotti.
-
Bild 2 von 14. Christian Hartmann, il manader dal project da l’Uffizi da construcziun bassa. Bildquelle: Federico Belotti.
-
Bild 3 von 14. Ruth Beer, la camariera e recepziunista da l'hotel Capricorns a Vargistagn. Bildquelle: Federico Belotti.
-
Bild 4 von 14. Ils donns da la bova èn gronds. Bildquelle: Federico Belotti.
-
Bild 5 von 14. Sur questa via da meglieraziun è Vargistagn il mument cuntanschibel. Per l'enviern n'è questa via betg adattada. Bildquelle: Federico Belotti.
-
Bild 6 von 14. La bova è da vesair bain davent da Maton. Bildquelle: Federico Belotti.
-
Bild 7 von 14. Il sviament è signalisà a Donat. Bildquelle: Federico Belotti.
-
Bild 8 von 14. Era las ovras electricas KHR han gì problems pervi da la bova, sut è da vesair la tschiffada d'aua dal flum Valtschiel. Bildquelle: Federico Belotti.
-
Bild 9 von 14. Ils donns da la bova èn gronds. Bildquelle: Federico Belotti.
-
Bild 10 von 14. Bildquelle: Federico Belotti.
-
Bild 11 von 14. Bildquelle: Federico Belotti.
-
Bild 12 von 14. La via da Vargistagn a Maton resta serrada probabel enfin la fin da november. Bildquelle: Federico Belotti.
-
Bild 13 von 14. Era sin in segund tschancun da manaivel da la bova gronda datti moviments en la terra, quels èn dentant pli pitschens. Bildquelle: Federico Belotti.
-
Bild 14 von 14. En oransch è da vesair la via da sviament planisada, che passa la via existenta ch'è unfrenda da la bova (en colur grischa). Bildquelle: Uffizi da construcziun bassa Grischun.