Siglir tar il cuntegn

Grischun Central Museum da viafier Alvra daventa «pli giuven»

A la testa dal museum a Bravuogn datti pliras midadas: Roman Sommer daventa president da la societad da manaschi e Reto Crameri presidiescha da nov la fundaziun.

Davant: Reto Crameri, Roman Sommer; damez: Luzi C. Schutz, Urs Wenzel, Walter Sommer; davos:  Julian Reich, Gion Rudolf Caprez, Giancarlo Lozza,Marc-Andrea Barandun, Matthias Müller.
Legenda: Davant: Reto Crameri, Roman Sommer; damez: Luzi C. Schutz, Urs Wenzel, Walter Sommer; davos: Julian Reich, Gion Rudolf Caprez, Giancarlo Lozza, Marc-Andrea Barandun, Matthias Müller. mad, Museum Viafier Alvra

La structura dal Museum da viafier Alvra è in zic speziala: I dat in cussegl da fundaziun ed ina societad d'aczias.

La fundaziun posseda las immobiglias e la collecziun. Sper il president Reto Crameri fan part al cussegl da fundaziun Luzi C. Schutz, Walter Sommer, Gion Rudolf Caprez, Matthias Müller ed Urs Wenzel.

La societad d'aczias (Museum Viafier Alvra SA) è responsabla per il manaschi dal museum a Bravuogn. Il nov president è Roman Sommer ed ils commembers han num Giancarlo Lozza, Matthias Müller, Geni Rohner e Julian Reich.

Nov vestgì per il bajetg

Ensemen cun il maina-fatschenta Marc-Andrea Barandun han ils responsabels decidì da sanar il tetg e la fatschada dal bajetg da bunamain 100 onns a Bravuogn. Las lavurs duain cumenzar mez avust ed esser a fin sin la stagiun d'enviern, hai num en ina communicaziun.

Lavurs era sin palantschin

Era il plaun sut il tetg èsi previs da bajegiar ora. Là duai dar sur onn in local per events, incl indrizs sanitars tenor basegns per persunas cun impediments. Per quest project tschertga la fundaziun anc fauturs.

RR novitads 12:00