Museum Viafier Bravuogn - Exposiziun speziala cun serps, vatgas e lamas
L’exposiziun speziala ch’è averta a partir d’immediat, tracta istorgias sper ils binaris. L’exposiziun «Neben der Spur» mussa per exempel la fotografia d‘in lama ch’è vegnì transportà cun la Viafier retica, transports da vatgas e mussa era in model d’ina serp che viva dasper ils binaris.
Legenda:
Mintgatant datti transports spezials cun la Viafier retica.
RTR, Federico Belotti
3 / 11
Legenda:
Ina viafier ha la val Müstair betg survegnì, per paja questa staziun.
RTR, Federico Belotti
4 / 11
Legenda:
Quai è l'emprima exposiziun speziala che vegn curatada da Thomas Kaiser.
RTR, Federico Belotti
5 / 11
Legenda:
Era zerps vivan dasperas ils binaris.
RTR, Federico Belotti
6 / 11
Legenda:
Quai è l'emprima exposiziun speziala che vegn curatada da Thomas Kaiser.
RTR, Federico Belotti
7 / 11
Legenda:
Fotografias dal Bernina, nua ch'i vegnivan pli baud siglientandas lavinas a maun.
RTR, Federico Belotti
8 / 11
Legenda:
Quai èn chapelas da pilots ch'ins ha chattà en vaguns da viafier.
RTR, Federico Belotti
9 / 11
Legenda:
La "Splügenbahn" è mai vegnida realisada.
RTR, Federico Belotti
10 / 11
Legenda:
Plans dal project da viafier mai realisà dal Lucmagn.
RTR, Federico Belotti
11 / 11
Legenda:
La viafier da Tusaun a Chiavenna è mai vegnida realisada.
RTR, Federico Belotti
Il curatur da l’exposiziun Thomas Kaiser vul mussar chaussas che vegnan betg gist endament dalunga, sch’ins pensa vi dal museum da viafier. Uschia è per exempel era da vesair, tge objects che vegnan tut chattads en vaguns da la viafier. En quest connex è era da vesair in video d’in dals ingiants dad objects chattads en ils tren, che la Viafier retica fascheva pli baud mintg’onn a Malans.
audio
Museum Viafier Bravuogn: Exposiziun speziala cun serps, vatgas e lamas
03:34 min, ord Actualitad dals 11.07.2020.
laschar ir. Durada: 3 minutas 34 Secundas.
Siglientar lavinas
Da vesair è er in indriz dal militar, che vegniva pli baud duvrà da la Viafier retica per siglientar lavinas. Latiers datti fotografias or da l’archiv ch’èn vegnidas fatgas sin il Pass dal Bernina.
Visiuns ed utopias mai realisadas
Cumplettada vegn l’exposiziun speziala cun plans da projects ch’èn mai vegnids realisads. Uschia èn da vesair plans originals da la lingia da la Viafier retica planisada e mai realisada dal Spleia, u era ils plans dal chanal Malögia-En, ch’avess pussibilità il transport da rauba e persunas tras l’Engiadina.
En il museum è era da vesair in extract dal film da RTR da Ruedi Bruderer «Utopias Grischunas».
