Marcus Lenz è cuntent. El è il president da la vischnanca burgaisa da Vaz ch'è la proprietaria da terren, nua che l'antenna 5G da la Swisscom è planisada. Sin lur dumonda haja il concern da telecommunicaziun sistì la dumonda, da construir al lieu planisà in'antenna. Davart la vischnanca politica èn ins medemamain cuntent. Aron Moser, il president communal da Vaz, ha confermà divers recurs cunter l'antenna. La vischnanca possia dentant be decider sin fundament da la lescha da construcziun, e quell'avess lubì ina tala antenna.
Soluziun communabla
Tenor Esther Hüsler, pledadra da la Swisscom, tschertgan els ussa il dialog cun la vischnanca burgaisa e politica. Avant ch'ins n'ha betg discurrì ils proxims pass na vul il concern dentant betg dir insatge concret.
RR novitads 06:00
