Siglir tar il cuntegn

Header

Navigaziun

La Bergsenn SA - la chascharia a Savognin.
Legenda: L'onn passà ha la chascharia a Savognin elavurà 6.5 milliuns liters latg. RTR, F. Belotti
cuntegn

Grischun Central Nagina chascharia nova en il Surses

Pervi dal ferm franc svizzer ed il pretsch dal latg bass, na vegn il project per ina chascharia nova betg realisà. Ussa stat en discussiun ina sanaziun da la chascharia existenta a Savognin.

Ils plans oriunds prevesevan da construir a Savognin u a Cunter ina nova chascharia per radund 40 milliuns francs. Ussa duaja però mo pli dar ina sanaziun da la chascharia existenta a Savognin per bun 2.,7 milliuns francs.

Sco quai che Luzi Steier, il president da la societad da chascharia Savognin e conturn ha ditg, vegnia il mument anc discutà tge che duai tut vegnir sanà. In punct central saja d’installar in indriz che schubregia l’aua tschuffa, per correspunder a las normas da igiena europeicas.

La chascharia a Savognin è en il possess dals purs dal Surses. Els dattan a fit las localitads a la Mifroma, ch’è ina filiala da la Migros.