Siglir tar il cuntegn

Header

cuntegn

Grischun Central Nagina fusiun tranter la URS e la URGC

En il Grischun Central datti duas uniuns che s’engaschan per il rumantsch. Ina fusiun da l’Uniun Rumantscha da Surmeir URS e l’Uniun Rumantscha Grischun Central URGC n’è il mument nagin tema, malgrà che la URS sto remplazzar dus uffizis.

Filip Dosch da Cunter.
Legenda: Gia dapi diesch onns presidiescha Filip Dosch l'Uniun Rumantscha da Surmeir. mad

La fin da l’onn sto l’uffizi da Filip Dosch, il president da l’Uniun Rumantscha da Surmeir URS vegnir remplazzà. Quai pervi da la limitaziun d’uffizi da diesch onns.

Sco quai che Filip Dosch ha confermà, saja la URS dentant en discurs cun ina persuna ch’haja interess vi dal presidi. Il mument na possia el però anc tradir nagut. L’elecziun succedia en il decurs dal zercladur.

audio
Bunura: Co vinavant cun l'Uniun rumantsch Surmeir
ord Actualitad dals 24.05.2016.
laschar ir. Durada: 2 minutas 1 Secunda.

Plinavant sto vegnir remplazzà il post da Gion Capeder, assessur en suprastanza. Sco quai che Filip Dosch ha ditg, na vegnia ina fusiun da la URS e l'Uniun Rumantscha Grischun Central betg en dumonda. Tar la restructuraziun l’onn 2006 hajan ins sapientivamain decidì ina separaziun da las duas uniuns.

Quai haja da far cun la Pagina da Surmeir che na rapporta betg da la Val Schons, la Tumleastga e la Mantogna.

RR actualitad 08:00

Sas anc

Avant 10 onns tunava quai uschia tar la URS e l'Uniun Rumantscha Grischun Central:

Telesguard davart ils plans per lUniun Rumantscha dil Grischun...
Or da RTR dals 12.04.2006.

Artitgels legids il pli savens