Grischun Central - Nagina ovra idraulica pitschna a Bravuogn
L’ovra idraulica planisada en Val Tuors a Bravuogn na vegn betg realisada. En ina decisiun da princip ha la radunanza communala da Bravuogn decidì cun 32 cunter 20 vuschs, da betg persequitar vinavant il project da las ovras electricas Axpo.
Fiss il project vegnì realisà, avess la vischnanca da Bravuogn pudì quintar cun entradas da tschains d’aua da 180’000 francs ad onn, ha ditg il president communal Peter Nicolay sin dumonda. Ord raschuns ecologicas saja dentant vegnì desistì da questa ovra.
Plinavant è vegnì decidì, da schlargiar la via da guaud «God Lavizun» e da renovar las ovras da protecziun «God las Margiaschlas». Ils custs totals da 550’000 francs pajan la Viafier retica ed il chantun.
