Dapli
L’idea da producir cun pitschnas inslas solaras sin il lai da fermada da Marmorera energia solara, aveva chaschunà per gronda attenziun. Da l'idea d’uschia pudair optimar la producziun d’energia al lai da fermada, da quella è restà pauc u nagut. Il project da pionier è ì da l'aua giu pervia da la finanziaziun. 2,5 milliuns francs avessan ils iniziants stuì prender enta maun. Tant avess quest indriz solar custà.
La speranza resta
Era la situaziun sin il martgà da electricitad na simplifitgescha betg da cuntinuar cun il project da pilot. Il pionier da solar Thomas Nordmann ha ditg envers il schurnal regiunal dad SRF: «Quest project è ì da l’aua giu. La speranza dain nus dentant betg si.»
La possessura dal lai da fermada a Murmarera, las Ovras electricas da Turitg (EWZ) èn gia daditg scepticas. Quest project na saja nagin tema pli ed en pli saja era la lubientscha da bajegiar scadida, uschia la EWZ.
