Siglir tar il cuntegn

Header

Navigaziun

Legenda: Guardar il video Nauscha surpraisa: Il coss è arrivà en Val Schons. Durada 03:46 minutas.
Or da Telesguard dals 12.09.2019.
cuntegn

Nauscha surpraisa Val Schons patescha dals coss

Enfin oz è la Val Schons stada schanegiada d'invasiuns da coss e buccarias. La Viamala valeva sco ina sort barriera natirala. Quest onn è la surpraisa stada gronda cura ch'ils prads e las pastiras han cumenzà a vegnir brins.

ina cuntrada
Legenda: Prads e pastiras pateschan en la Val Schons. RTR, Esther Berther

La situaziun en Val Schons saja in zic dramatica, di Batist Spinatsch dal Plantahof. Il motiv è che la surpraisa dals coss en la terra è vegnida a la glisch pir questa stad. Massa tard per plantar il bulieu che destruescha ina gronda part dals coss.

Ussa ha il Plantahof fatg tests cun in bulieu umid. L'onn passà era quel vegnì plantà per l'emprima giada d'atun en ina varianta umida – e quai cun success. Sche quai saja era pussaival en Val Schons sa mussia il mais d'october.

in coss en il tratsch
Legenda: Enfin 300 coss per m² en Val Schons che sa nutreschan da las ragischs. RTR, Esther Berther

Ils coss mangia durant plirs onns las ragischs uschia ch'ils prads vegnan brins. In auter problem è che la terra daventa lucca e quai po chaschunar problems d'erosiun. Oravant tut en spundas.

Actualmain vegnan prendidas differentas mesiras per evitar che las buccarias sgolian il 2021 e mettian anc ina giada coss en las costas stippas da la Val Schons.

TR Telesguard 17:40