La situaziun en Val Schons saja in zic dramatica, di Batist Spinatsch dal Plantahof. Il motiv è che la surpraisa dals coss en la terra è vegnida a la glisch pir questa stad. Massa tard per plantar il bulieu che destruescha ina gronda part dals coss.
Ussa ha il Plantahof fatg tests cun in bulieu umid. L'onn passà era quel vegnì plantà per l'emprima giada d'atun en ina varianta umida – e quai cun success. Sche quai saja era pussaival en Val Schons sa mussia il mais d'october.
Ils coss mangia durant plirs onns las ragischs uschia ch'ils prads vegnan brins. In auter problem è che la terra daventa lucca e quai po chaschunar problems d'erosiun. Oravant tut en spundas.
Actualmain vegnan prendidas differentas mesiras per evitar che las buccarias sgolian il 2021 e mettian anc ina giada coss en las costas stippas da la Val Schons.
TR Telesguard 17:40