Siglir tar il cuntegn

Header

Video
Nido del Lupo - l'agid per giuvenils
Or da Telesguard dals 28.11.2019.
laschar ir
cuntegn

Nido del Lupo Gidar tar il pass en il mund da lavur

Il Nido del Lupo ad Alvagni è in dachasa temporar per giuvenilAs en situaziuns difficilas, gida dentant era tar il pass en il mund da lavur.

Fin otg giuvenils u giuvenilas han plaz en il Nido del Lupo ad Alvagni. L'asil per giuvenilAs en situaziuns difficilas porscha in dachasa temporar, scola sco era terapia ensemen cun pedagogia da circus. Quai è unic en Svizra e duai gidar als giuvenils ed a las giuvenilas da pudair experimentar en in champ dal tuttafatg nov.

Dapi quest onn ha il Nido del Lupo ina nova purschida en ses program: «tscherna da professiun plus». En quel rom pon ils giuvenils empruvar or differentas professiuns en chasa; uschia per exempel en cuschina, en il curtin, vid il computer, sco era en il nov lavuratori. Tras quai duajan els chattar ora, tge ch'els vulan far en il futur. Ils giuvenils e las giuvenilas hajan grond plaschair vid la purschida e sajan motivads, di Fabio Botta, il manader dal Nido del Lupo.

Per ch'il pass en il mund da lavur gartegia schi bain sco pussibel, lavura Nido del Lupo ensemen cun var 20 differentas interpresas en il Grischun, che hajan nunspetgà grond interess vi dad emprendistAs e practicantAs, che n'han forsa betg in curriculum vitae linear.

Nido del Lupo

Personen-Box aufklappenPersonen-Box zuklappen

Il Nido del Lupo (il gnieu dal luf) è in'instituziun pitschna renconuschida per giuvens umans en situaziuns da vita difficilas. L'instituziun ha ina scola interna, ina purschida da pedagogia da circus e projects da lavur. Il Nido del Lupo porscha plaz per otg giuvenils u giuvenilas tranter 13 e 18 onns.

RTR actualitad 17:00