Siglir tar il cuntegn

Header

cuntegn

Grischun Central Nov co-schefmedi per l’ospital Savognin

Stefano Corrá è il nov co-schefmedi da l’ospital da Savognin. Sco quai ch’il Center da Sanadad Savognin SA scriva en ina communicaziun, entra el en uffizi il mez da december. Ulteriurs co-schefmedis èn Martin Staritz ed Andreas Hirn, schefmedi resta Stephan Remer.

Il nov medi Stefano Corrá ha 52 onns, è maridà ed è bab da dus uffants. El discurra talian, tudestg ed englais. Ses studi ha el fatg a l’universitad da Verona. Il mument lavura el sco schefmedi en ina staziun d’urgenza en l’ospital regiunal da Bulsaun en il Tirol dal Sid.

Sco quai ch’il maina fatschenta dal Center da Sanadad Savognin ha ditg sin dumonda da RTR, saja la situaziun dals medis fitg cuntentaivla: L’engaschi da Sefano Corrá (plazza da 80%) lubeschia ad auters medis, da reducir lur pensum da lavur sin giavisch.

Nov commember dal cussegl d'administraziun

Cyrill Beeler sa retira sco medi per la fin d’october. A partir dal november fa el part dal cussegl d’administraziun dal Center da Sanadad Savognin SA.

RR novitads 08:00

Artitgels legids il pli savens