Siglir tar il cuntegn

Header

cuntegn

Grischun Central Nov contract per la furniziun da zinslas

La vischnanca da Bravuogn han ademplì la pretensiun dal chantun pertutgan il contract per la furniziun da zinslas.

Dapi l’emprim da schaner 2015 ha la vischnanca da Bravuogn in nov contract per la furniziun da zinslas per l’implant da chalur a distanza. Sco la suprastanza ha infurmà a la radunanza communala è il pretsch per las zinslas sa reduci levet e la qualitad da las zinslas è meglierà. Cun il nov contract ademplescha la vischnanca la pretensiun da la regenza Grischuna da far in nov contract cun il furnitur.

La cumissiun da gestiun da Bravuogn aveva pretendi ch’il chantun laschia examinar sche l’auzament dal pretsch per zinslas è stà giustifitgà. Il chantun ha engaschà sin custs da la vischnanca l’advocat Thomas NIevergelt per laschar far l’examinaziun. El è vegnì tar la conclusiun ch’i fiss previs in auzament dal pretsch per las zinslas, na dentant betg l’autezza da quest auzament. Uschia avess la vischnanca gì da contractar in nov contract. Ultra da quai avess l’adattaziun dal pretsch per las zinslas duvrà la lubientscha dal chantun ed era l’infurmaziun da la suprastanza a la radunanza communala saja stada insuffizienta.

Artitgels legids il pli savens