Siglir tar il cuntegn

Grischun Central Nov directur da cura per Spleia

A partir dal prim d'avust daventa Livio Merzaghi il schef da las pendicularas Spleia Tambo SA.

Fotografia da gruppa cun tschintg persunas.
Legenda: Da sanester a dretga: Franco Quinter, president dal cussegl d’administraziun, Livio Merzaghi, directur da cura, Vanessa Baseggio e Stefano Pini, direcziun gastronomia, e Fifi Frei, commember dal cussegl d’administraziun. MAD

Damai che Spleia vul sa sviluppar e realisar en il futur er ina purschida da stad, vegn quest post titulà da nov sco directur da cura. Merzaghi ha 29 onns ed è stà responsabel ils davos onns per il territori da skis Carí en la Leventina.

Orientaziun vers il sid

Cun la tscherna dal Tessinais Livio Merzaghi tegna il cussegl d’administraziun era quint dal fatg che la stagiun d’enviern passada èn puspè vegnids dapli giasts da lingua taliana a Spleia. Tras il plus da 28% tar ils giasts da l’enviern passà sajan els plain speranza dad esser sin la buna via, di il president dal cussegl d’administraziun Franco Quinter.

RR novitads 15:00