La Uffer SA realisescha in nov hotel «Quadrin». Sin l'areal «Grava» a Savognin vegn bajegià in hotel cun 200 letgs. La vischnanca Surses aveva dà liber la zona e gidà cun credits gia la primavaira 2018, uschia che la via è ussa libra per il nov hotel.
Ils investurs ed ils gestiunaris da l'hotel èn avant maun, ma vegnan anc betg communitgads. Il bajetg dal nov hotel vegn a custar 15 milliuns francs. Tenor il iniziant Enrico Uffer vul quest project esser in signal per in avegnir turistic a Savognin.
