Sco quai che Adriano Peterelli, in dals iniziants da la tur da glatsch ha ditg, veglian ins fundar in'uniun, ch’è responsabla per la tur da glatsch. La tur è vegnida construida sin in fundament en furma d'ina tenda da tipi e silsuenter vegnida elavurada cun naiv ed aua. En radund trais emnas saja ella vegnida construida, uschia Peterelli.
L'idea saja da far mintg'onn ina tala tur – tut tenor las experientschas ch'ins fetschia quest enviern. A decider vegnian ins la primavaira. En il Grischun na datti il mument nagina purschida sumeglianta. La proxima tur da raiver sa chatta a Malbun en il Principadi dal Liechtenstein. E là è Peterelli era vegnì sin l’idea, ch’ins pudess far ina tur da glatsch sumeglianta era a Savognin.
audio
Mezdi: Nova attracziun per Savognin: Tur da glatsch per raiver
ord Actualitad dals 30.01.2019.
laschar ir. Durada: 2 minutas 36 Secundas.
RR actualitad 11:00