Siglir tar il cuntegn

Header

In auto d'ambulanza da Tusaun.
Legenda: Da nov èn ils servetschs d'ambulanza dal Center da Sanadad da Savognin ed il spital da Tusaun betg pli concurrents. RTR, Federico Belotti
cuntegn

Grischun Central Nova basa d’ambulanza a Casti

A Casti en Val d’Alvra datti a partir dal prim da november ina nova basa d’ambulanza. Quai è ina da las midadas che vegn fatga en connex cun la fusiun dals servetschs d’ambulanza da l'ospital a Tusaun ed il Center da Sanadad Savognin SA.

Sco quai ch’ils dus partenaris da fusiun scrivan en ina communicaziun, vegnia il servetsch d’ambulanza en l’avegnir manà cun medem bleras persunas sco enfin qua. Quai saja pussaivel cun quai che Bravuogn n’haja nagina ambulanza pli durant l’enviern. Sco quai che Christine Demarmels, la directura dal Center da Sanadad Savognin SA ha ditg envers RTR, na saja quai dentant nagin dischavantatg per Bravuogn. Cunquai ch’i dettia in servetsch d’emprim agid cun in «quad» per accidents sin la via da scarsola tranter Preda e Bravuogn, saja l’ambulanza da Casti era spert avunda a Bravuogn tar accidents. Cun la nova basa Casti speran ils responsabels da pudair manar tras en l’avegnir dapli transports cun ils trais autos ambulanza.

A Tusaun e Savognin datti era en l’avegnir en servetsch d’ambulanza da 24 uras, l’ambulanza a Casti è en acziun mintgamai durant il di. Cun nizzegiar sinergias duess era la planisaziun dal persunal daventar pli flexibla.

RR actualitad 17:00