Nova deponia en discussiun - Realta duai era en l’avegnir avair ina deponia da luadiras

1 / 5

Legenda: Eduard Decurtins, il president communal da la vischnanca da Cazas sper la deponia existenta. RTR, Federico Belotti

2 / 5

Legenda: La deponia existenta è colurada blau, en la zona cotschna pudessi dar ina nova deponia. RTR, Federico Belotti

3 / 5

Legenda: En il conturn da la chava da glera pudessi dar la nova deponia. RTR, Federico Belotti

4 / 5

Legenda: Qua sa chatta la deponia actuala che vegn serrada e renaturada enfin l'onn 2022. RTR, Federico Belotti

5 / 5

Legenda: In chavaterra sin la deponia existenta. RTR, Federico Belotti

Sco quai che Eduard Decurtins ha ditg envers RTR, dessi la pussaivladad da far ina nova deponia nord dasper l’implant da glera a Realta sut, quai cun ina capacitad da 600’000 tonnas, tge che muntass ch’ins pudess nizzegiar la nova deponia per 30 fin 35 onns. Mesemna saira infurmescha la vischnanca la radunanza communala davart il proxim agir.

audio

Bunura: Deponia da luadiras a Realta

03:54 min, ord Actualitad dals 06.06.2019.

laschar ir. Durada: 3 minutas 54 Secundas.

Contribuziuns per la vischnanca

Sch’i po dar ina nova deponia u betg, dependa la fin finala dal consentiment da la radunanza communala. La vischnanca profitass da contribuziuns finanzialas. Cura e sch’i vegn a dar ina dumonda al pievel n’è betg anc cler, il mument vegn fatg in studi davart la realisabladad, e las midadas da zonas necessarias vegnan preparadas.

L’onn passà èn 40% da las restanzas dal process dad arder da la GEVAG a Trimmis vegnidas transportads a Realta sut, 20% a Glion, 35% en il chantun Turitg e 5% en l’Austria. Dals radund 100’000 tonnas rument per onn che vegnan brischads a Trimmis, restan circa 23’000 tonnas material che ston vegnir dismessas sin ina deponia speziala sco a Realta.

RR actualitad 08:00