Siglir tar il cuntegn

Header

video
Illuminaziun d'enviern a Laax
Or da Telesguard dals 22.12.2017.
laschar ir. Durada: 3 minutas 23 Secundas.
cuntegn

Grischun Central Nova illuminaziun d'enviern duai fascinar

Laax lai custar sia nova illuminaziun d'enviern 700'000 francs. La mesadad ha la Pro Laax pajà. L'illuminaziun è repartida per l'entira vischnanca enturn e consista ord fitg differentas parts.

Il pli impurtant en curt:

  • Laax ha ina nova illuminaziun d'enviern che ha custà CHF 700'000.-.
  • L'illuminaziun è vegnida concepida dal directur artistic dal Zauberwald a Lai.
  • Inspiraziun per las differentas installaziuns èn stadas istorgias da la regiun.

Per concepir l'illuminaziun d'enviern da Laax han ins engaschà Primo Berera da Primocollective che fa era l'illuminaziun dal Zauberwald a Lai. L'inspiraziun per las parts spezialas èn istorgias da la regiun. Uschia vegn raquintà a Salums cun ina projecziun da maletgs sin ils pigns l'istorgia dal «Fegl dal urs» dal poet indigen Flurin Camathias. In auter exempel è l'installaziun a Cons che fa allusiun a la fracziun «Marcau» gist visavi, nua ch'ils purs gievan a fiera cun lur nursas avant blers onns.

En tut datti quatter installaziuns spezialas. Tar questas vegn montà mintgamai tavlas che decleran l'idea da quella. Sper questas installaziuns da glisch spezialas vegn lura glischà en plirs lieus ils pigns e quai cun differentas colurs. Anc betg realisadas èn las «100 cuas da comets» che vegna montadas vi da las glischs da via. In prototip vegn pir testà en il decurs da l'enviern e sche quel sa cumprova, vegnan quellas construidas sin il proxim enviern.

Telesguard 18:40

Artitgels legids il pli savens