Nova purschida - Diagnostica da sport a Tusaun

Porscher in lieu per la diagnostica da prestaziun saja adina stà ses siemi, tradescha il manader dal ZELS, il medi ortoped Martin Maleck. Il medi che accumpogna er la squadra naziunala svizra da ballape, è l'iniziant e cor dal center – er sch'el n'auda betg gugent quai. La nova purschida saja averta per profis ed ambiuziunads, dentant er per persunas premuradas en dumondas da sanadad e profilaxa.

Ospital innovativ

L'ospital da Tusaun saja adina stà flexibel, familiar ed innovativ, di il directur Reto Keller. Ussa cun il center per diagnostica da prestaziun e sport mussia l'ospital ina ulteriura giada questas qualitads.

Agen center cun agen schefmedi

Cun il schefmedi ed ortoped da sport Martin Maleck haja il center in manader ideal e cumpetent per etablir il center, è il directur Reto Keller persvadì.