Siglir tar il cuntegn
Inhalt

Grischun Central Nova vischnanca Bravuogn Filisur

Cun gronda maioritad han las duas vischnancas da Bravuogn e Filisur ditg gea a la fusiun.

Il pievel ha decidì, la fusiun tranter Bravuogn e Filisur daventa realitad.
Legenda: Il pievel ha decidì, la fusiun tranter Bravuogn e Filisur daventa realitad. Grafica RTR

A la radunanza communala da Bravuogn han 131 persunas ditg gea e 17 han ditg na. A Filisur èsi sta 111 gie, cunter 55 na.

La nova vischnanca ha num Bravuogn Filisur. La fusiun vegn ad ir en vigur l’emprim da schaner 2018, quai cun la resalva ch’il cussegl grond approveschia questa fusiun. La fusiun vegn sustegnida da la regenza cun 8,8 milliuns francs.

Ils proxims pass per la nova vischnanca vegnan ad esser da constituir ina suprastanza transitorica che prepara las elecziuns, la constituziun e la lescha da taglia. Il settember da quest onn èn las elecziuns. La suprastanza sa cumpona, dal president e 4 commembers. Per l’emprima perioda d’uffizi han las vischnancas dabun mintgamai dus commembers en suprastanza.

Hans Jakob e Felix Schutz dattan il maun in a l'auter.
Legenda: Ils frars Hans Jakob e Felix Schutz, en puspè perina, tar la fusiun eran els in encunter l'auter. RTR, Linus Livers

RR novitads 22:00