Siglir tar il cuntegn
Inhalt

Grischun Central Novas lingias d’electric en il Surses

Las Ovras Electricas da Turitg EWZ renoveschan las lingias d’auta tensiun tranter Tinizong e Marmorera. Gievgia èn in pèr da las pitgas vegnidas montadas cun il pli grond helicopter da la Svizra.

Helicopter durant in sgol.
Legenda: La gievgia damaun è l'aura stada buna avunda per sgular. EWZ

En tut vegnan montadas 90 pitgas novas sin ina lunghezza da otg kilometers, scriva la EWZ en ina communicaziun. Las pitgas novas da metal che paisan per part enfin 4,5 tonnas remplazzan las pitgas veglias da laina. Cun las novas pitgas saja quai era en l’avegnir pussaivel da garantir ina anc pli auta segirezza da provediment.

La Heliswiss sin la planira da Rona.
Legenda: La Heliswiss sin la planira da Rona. EWZ

Ils custs muntan a tschintg milliuns francs. Tenor la EWZ na dettia nagins ulteriurs sgols. Las pitgas che stoppian anc vegnir installadas, vegnian transportadas cun camiuns spezials als lieus, nua ch’igl è gia vegnì preparà fundaments. Enfin a Domat èn las pitgas vegnidas transportadas cun la viafier.