Siglir tar il cuntegn

Header

cuntegn

Grischun Central One Love Festival – Event senza rument

Il One Love Festival metta gronda paisa sin in schuber areal. Passa 5'000 visitaders, ma strusch rument e merda. Tut vegn sortà e reciclà.

audio
Bunura: Filisur: Goa party senza rument
ord Actualitad dals 09.07.2016.
laschar ir. Durada: 3 minutas 20 Secundas.

Normalmain chattan ins ad open airs e festivals bler rument. Auter vesa quai però or al «One Love Festival». Ils prads èn fitg schubers. Dapertut chattan ins containers e satgets da rument, tut vegn sortà, tut vegn reciclà. Perfin las tualettas èn specialas. I sa tracta da tualettas da cumpost.

I na vegn betg duvrà aua. Suenter mintga fatschenta bitta il giast in cup cun resgim en la tualetta. Tut quai vegn elavurà sco grascha. Pia, in event fitg ecologic, e quai cun 5'000 visitaders.

Sin la dumonda, daco che l'areal saja uschè schubers, respundan ils organisaturs:«Nos giasts èn fitg civilisads.» Ed ils giasts din che tut saja vegnì organisà super dal comité.

Tut en tut è quai in festival admirabel ch'è vairamain en armonia cun la natira.

RR actualitad 08:00

Artitgels legids il pli savens