Siglir tar il cuntegn

Header

Il lai da fermada da Sufers.
Legenda: Las Ovras electricas Rain Posteriur han producì l'onn da fatschenta 2019/20 dapli energia. Keystone
cuntegn

Onn da fatschenta 2019/20 KHR guarda enavos sin in bun onn da fatschenta

Las Ovras idraulicas Rain Posteriur KHR han producì l'onn da fatschenta passà dapli energia. Il quantum da 1'470 gigawatt uras forza electrica è 3,5% sur la media dals onns avant. Quai scrivan las Ovras electricas Rain Posteriur en lur rapport per l'onn da fatschenta 2019/2020.

Ils tschains dal dretg da las auas muntan a 22,4 milliuns francs. Quai èn 5 pertschient damain che l'onn da fatschenta 2018/2019. Ils custs annuals han muntà a 61,4 milliuns francs. Ensemen cun ils custs per ils tschains d'aua resulta uschia custs da producziun da 4,23 raps per ura kilowatt. L'onn avant muntavan quels custs anc a 3,29 raps. La gronda differenza saja d'attribuir a limitaziuns da taglia che sajan vegnidas schliadas, scrivan las ovras.

La fin da l'onn da fatschenta purschevan las Ovras electricas Rain Posteriur 69,2 plazzas cumplainas da lavur. Actualmain han las ovras trais emprendists: dus polimecanists ed in electricist da la rait.

RTR novitads 12:00

Artitgels legids il pli savens

Scrollar a sanestra Scrollar a dretga