Siglir tar il cuntegn

Header

audio
Mezdi: Co vinavant cun la Pagina da Surmeir suenter il 2020?
Or da Actualitad dals 17.06.2019.
laschar ir. Durada: 4 minutas 5 Secundas.
cuntegn

Grischun Central Onn transitoric per la Pagina da Surmeir

La Pagina da Surmeir duess cumparair enfin la fin dal 2020 en la furma usitada. A partir da l’onn 2021 pudessi dar midadas pli grondas, ha infurmà la suprastanza da l’editura da la gasetta, l'Uniun Rumantscha da Surmeir URS, a sia radunanza generala da mesemna saira a Casti.

La URS ha ina cunvegna da prestaziun cun l’Agentura da novitads Rumantscha ANR. Quella vala enfin la fin da l’auter onn. Tenor quest contract survegn la Pagina da Surmeir mintg’onn 100’000 francs per sias prestaziuns. Perquai che la ANR duess anc quest onn vegnir transfurmada en la Fundaziun Medias Rumantschas FMR, duessi dar in nov contract.

Il contract existent cun la Pagina da Surmeir duess vegnir adattà e prolungà enfin la fin da l’auter onn, ha ditg Gion Capeder da la Lia Rumantscha, ch’è en la gruppa da lavur Medias Rumantschas. L’auter onn daventa pia in onn intermediar per la Pagina da Surmeir.

Artitgels da la FMR per la Pagina da Surmeir

A partir da l’onn 2021 duessi alura dar midadas pli grondas, uschia pudess la Pagina da Surmeir survegnir tut ils artitgels da la Fundaziun Medias Rumantschas, editura duess però vinavant restar l'Uniun Rumantscha da Surmeir.

La suprastanza da la URS vul anc quest atun dumandar ses abunents, tge ch’els giavischan per l’avegnir. Ideas èn dad integrar la Pagina da Surmeir en la Quotidiana cun agen frontispizi ina giada l’emna ubain era ina gasetta bilingua cun ina da las gasettas existentas Novitads u Pöschtli.

RR actualitad 12:00

Artitgels legids il pli savens