Siglir tar il cuntegn

Header

video
Video vom 24.05.2017, 17:07
Or da Actualitad dals 24.05.2017.
laschar ir. Durada: 37 Secundas.
cuntegn

Grischun Central Origen preschenta program da stad

La Torre, il program da stad dal festival cultural Origen stat sut l‘ensaina da la tur che vegn construida sin il Pass dal Güglia. Plinavant tematisescha Origen la vita umana tranter visiun e far naufragi, speranza e depressiun, eternitad ed inconstanza.

L'intendant da Origen Giovanni Netzer en la nov renovada Villa Carisch.
Legenda: L'intendant da Origen Giovanni Netzer en la nov renovada Villa Carisch. RTR, Federico Belotti

Sco quai che Origen scriva en ina communicaziun, vegnia il cusseglier federal Alain Berset ad inaugurar la tur sin il Güglia ils 31 da fanadur. Cun l’opera vocala «Apocalypse» vegn tematisà il naufragi da la Babilonia. Il festival internaziunal da saut porta per l’emprima giada a Riom sautunzs dal ballet dal stadi da la Baviera, quai dasper sautunzas e sautunzs dal ballet da Hamburg, dal Grand Theatre de Genève, dal Nederlands Dans Theater Rotterdam e dal ballet da stadi da Vienna.

audio
Saira: Origen preschenta program da stad
ord Actualitad dals 23.05.2017.
laschar ir. Durada: 1 minuta 52 Secundas.

Era ils cumediants èn puspè qua

La Commedia schlargia sia tura vers il sid dal Grischun e giu la Bassa. Giugà vegn il classicher da Calderon «La Vida es un sueño», la vita è in siemi.

Ils guids istorics e culturals sa deditgeschan questa stad a las turs dal Grischun. Ultra da quai festivesch la Villa Carisch ses anniversari da 150 onns cun novs locals, i dat concerts ed i vegn engaschà in pastizier per la stad.

RR actualitad 17:00

Artitgels legids il pli savens