Origen survegn vinavant sustegn finanzial dal chantun

Il chantun Grischun sustegna vinavant il festival da cultura Origen cun 800'000 francs, quai per ses nov project Origen 2020 ed il teater dal Güglia.

Vischnanca da Riom. Bild in Lightbox öffnen.

Legenda da maletgs: Vischnanca da Riom. MAD

Il festival da cultura Origen survegn questa summa da 800'000 francs be sut la cundiziun che la finanziaziun totala è reglada e ch'ils custs per tut ils projects parzials èn sin maisa. Quai communitgescha la regenza grischuna.

Il project da 12 milliuns francs vegnia sustegnì perquai ch'el tutgia tar l'infrastructura relevanta per il sistem.

Origen cun relevanza sur cunfin

Il festival da cultura Origen duai en ils proxims diesch onns daventar ina da las pli interessantas ed impurtantas instituziuns da teater en il territori alpin. Origen duai uschia era contribuir al svilup da la regiun Alvra. Relevanza artistica, programs unics, colliaziuns regiunalas e cooperaziuns internaziunalas caracteriseschan l'interpresa da cultura. Per cuntanscher questa mira è in schlargiament da l'infrastructura indispensabel.

RR novitads 09:00