Siglir tar il cuntegn
cuntegn

Grischun Central Ospital Savognin ha elegì directura

Christine Demarmels è vegnida elegida sco nova directura dal Center da sanadad Savognin SA. Sia substituta è Sandra Luzio. Quai scriva il Center da sanadad en ina communicaziun. Las dus dunnas èn gia dapi il prim da november 2018 en uffizi en questas funcziuns, fin ussa però mo ad interim.

Cun Christine Demarmels sco directura e Sandra Luzio sco substituta è quai ussa la cuntinuaziun da la soluziun interimistica. Il november era l’anteriur directur Gion Cola vegnì scrit malsaun, suenter ch’igl aveva dà renfatschas vers sia persuna. Bandunà il center ha el dentant per dal bun.

Christine Demarmels surpiglia la part operativa e represchenta il center er vers anora. Ella è vinavant responsabla per il persunal betg medicinal e per l’administraziun. Dapi il settember 2018 è ella gia en quella funcziun ed er commembra da la direcziun.

Sandra Luzio che manava enfin uss la partiziun da tgira e che fa quai er vinavant fa uss il tschintgavel onn part da la direcziun. Ella vegn en il futur ad esser responsabla per tut il persunal da tgira e medicinal.

TR Telesguard 17:40