Ospital Savognin ha gì 20% dapli pazients

L’ospital e la chasa d’attempads da Savognin ha fatg il 2014 in retgav da gestiun da bun 11,3 milliuns francs. Quai è 7% dapli che l’onn avant.

Bajetg dal ospital a Savognin. Bild in Lightbox öffnen.

Legenda da maletgs: L'ospital a Savognin. RTR, B. Jenal

En il sectur staziunar ha l’ospital da Savognin tractà 565 persunas l’onn 2014. Quai è in augment da passa 20%. En media è mintga pazient stà en l’ospital durant 4 dis e mez, in onn avant eran quai anc in zic dapli. 60% dals pazients derivan da Savognin e da las vischnancas vischinantas. 30% dals pazients derivan da l’ulteriura Svizra e 10% da l’exteriur.

En la chasa d’attempads èn ils dis da dimora s’augmentads per 470 sin 14’860 dis. L’occupaziun dals letgs è s’augmentada da 93,9% sin 96,9%. Las persunas ch’han gì basegns da tgira, han procurà per 88,2 minutas lavur al di, il 2013 eran quai anc 78,8 minutas per di.

RR novitads 15.00