Siglir tar il cuntegn

Header

audio
Professiunalisar cussegl da fundaziun
Or da Actualitad dals 09.05.2023. Maletg: RTR
laschar ir. Durada: 4 minutas 21 Secundas.
cuntegn

Ospital Tusaun Professiunalisar il cussegl da fundaziun

Il cussegl da fundaziun Sanadad Grischun Central vuless daventar pli professiunal e main politic. Tenor in'analisa externa per incumbensa dal cussegl da fundaziun è oz cumparì in inserat che tschertga in cussegl d'administraziun dal fatg.

Davent d’in gremi politic vi tar in cussegl dal fatg, uschia resumescha Werner Keller, l'incumbensà che accumpogna il process, ils motivs per questa midada. Il cussegl da fundaziun actual ha surdà la recrutaziun tenor in'analisa externa. Suenter la midada represchentassan anc duas persunas ils gremis politics da la regiun. Ils auters commembers dal cussegl d’administraziun fissan uschia responsabels per la strategia e vegnissan en il cas ideal da la branscha medicinala, da la tgira, da las finanzas, da la resursas umanas e dal management. Il gremi che decida las midadas e las adattaziuns è er en futur la radunanza da delegads e delegadas. Gia il matg da quest onn duess vegnir decidì ed elegì.

Midada giavischada

Ina midada organisatorica è daventada tema per l'Ospital Tusaun cun crescher ed esser l'ospital central per la regiun dal Grischun Central, ha ditg Curdin Capaul, il president dal cussegl da fundaziun sin dumonda. Cun la midada vi tar in cussegl dal fatg ed uschia pli professiunal sajan ins pront per las sfidas che spetgan la branscha, uschia Capaul.

RTR novitads 18:00

Artitgels legids il pli savens